గొల్లప్రోలు : అంతర్జాతీయ మహిళా దినోత్సవాన్ని శుక్రవారం గొల్లప్రోలులో ఘనంగా నిర్వహించారు. స్థానిక గాంధీ నగర్ లోని స్వామి వివేకానంద జ్ఞాన మందిరంలో స్వచ్ఛ గొల్లప్రోలు ఆధ్వర్యంలో అంతర్జాతీయ మహిళా దినోత్సవ వేడుకలు ఘనంగా నిర్వహించారు. ఈ సందర్భంగా వ్యవసాయ, బ్యాంకింగ్, సామాజిక సేవా రంగాలలో ఉత్తమ సేవలు అందిస్తున్న మోరుకుర్తి లక్ష్మీ కళ్యాణి,గొల్లపల్లి వీరలక్ష్మి, రామిశెట్టి దేవిలకు శాలువ కప్పి మెమెంటో లతో సత్కరించారు. అనంతరం పలువురు సభ్యులు మాట్లాడుతూ మహిళలు అభివృద్ధి చెందినప్పుడే సమాజం పురోభివృద్ధి చెందుతుందని అన్నారు. మహిళలు అన్ని రంగాల్లోనూ పురోగతి సాధించాలని ఆకాంక్షించారు. ఈ కార్యక్రమంలో మాజీ ఎంపీపీ వర్ధనపు వీర్రాజు, విశ్రాంత ప్రధానోపాధ్యాయిని పివి రమణమ్మ, మాజీ సైనికులు చేదులూరి సత్యనారాయణ, భారతాల శేషారావు, యోగా గురువు జ్యోతుల నాగేశ్వరరావు, స్వచ్ఛ గొల్లప్రోలు కన్వీనర్ కొశిరెడ్డి రాజా, సభ్యులు కొమ్ము సత్యనారాయణ, చోడ పునీడి పుల్లపరాజు, మలిరెడ్డి సత్యనారాయణ, దాడి పద్మనాభం, చల్లా ఉమా రాజ మంగతాయారు, పోల్నాటి సీత బాబు, ప్రభావతి, జ్యోతుల శివ, కంకటాల వాసు, గుదే నాగేశ్వరరావు, కె వి వి సత్యనారాయణ, సారిపల్లి సూరిబాబు, పెద్దిరెడ్ల వెంకటరాజు, కొశిరెడ్డి త్రిమూర్తులు, బోడకుర్తి బాబులు, వేమన మంది కృష్ణంరాజు తదితరులు పాల్గొన్నారు.
