గొల్లప్రోలు : అపర్ణా సమేత నాగేశ్వర స్వామి వారి దివ్య కళ్యాణ మహోత్సవాల్లో భాగంగా మూడో రోజు ఉదయం 9 గంటల నుంచి స్వామివారికి ఏకాదశి రుద్రాభిషేకములు నిర్వహించారు. పంచామృతాలు,సుగంధ ద్రవ్యాలతో అభిషేకం చేశారు. మధ్యాహ్నం 3 గంటల నుండి లక్షబిల్వార్చన చేసారు.తరువాత రుద్ర హోమము, నీరాజన మంత్రపుష్పములు సమర్పించి ఆశీర్వచనం,వేద స్వస్తి చేశారు. ఈ పూజా కార్యక్రమాలను దైవజ్ఞ రత్న ఆకొండి వెంకటేశ్వర శర్మ, ఆలయ ప్రధాన పూజారిఆ కొన్ని ప్రభాకర్ శాస్త్రి నిర్వహించారు.ఈ కార్యక్రమంలో ఆలయ కమిటీ చైర్మన్ గారపాటి బుజ్జి,ఉపసర్పంచ్ దాసం వెంకటేష్,పలువురు ఆలయ కమిటీ సభ్యులు వివిధ గ్రామాలకు చెందిన భక్తులు అధిక సంఖ్యలో పాల్గొన్నారు.
