గొల్లప్రోలు : గొల్లప్రోలు లోని ప్రజాపిత బ్రహ్మకుమారి కేంద్రంలో త్రిమూర్తి శివ జయంతి సందర్భంగా శ్వేత లింగ దివ్యదర్శనం ఘనంగా ప్రారంభించారు. మహాశివరాత్రి, త్రిమూర్తి శివ జయంతిని పురస్కరించుకొని ఉదయం 7 గంటల నుండి రాత్రి 8 గంటల వరకు భక్తులు శ్వేత లింగ దివ్యదర్శనం చేసుకోవచ్చని బ్రహ్మకుమారి కేంద్రం ఇన్ ఛార్జ్ చంద్ర అక్కయ్య తెలిపారు. శుక్రవారం ఆమె విలేకరులతో మాట్లాడుతూ ఈనెల 9వ తేదీ నుండి 7 రోజులపాటు ప్రతిరోజు ఉదయం,సాయంత్రం సహజ రాజయోగ శిక్షణ తరగతులు నిర్వహిస్తున్నట్లు వివరించారు. భక్తులు ఈ అవకాశాన్ని వినియోగించుకోవలసిందిగా చంద్ర అక్కయ్య కోరారు. కాగా శ్వేత లింగాన్ని నగర పంచాయతీ చైర్ పర్సన్ గండ్రేటి మంగతాయారు, సీనియర్ వైసీపీ నాయకుడు, కౌన్సిలర్ శ్రీరామచంద్రమూర్తి, వివిధ గ్రామానికి చెందిన భక్తులు అధిక సంఖ్యలో దర్శించుకున్నారు.
