బుట్టాయగూడెం.
2023 సంవత్సరానికి యద్దనపూడి సూర్యనారాయణమూర్తి స్మారక అవార్డును సాధించిన మామిడిశెట్టి శ్రీరాం ప్రసాద్ ను బుట్టాయిగూడెం ప్రెస్ క్లబ్ ఘనంగా సన్మానించింది. స్థానిక మండల పరిషత్ కార్యాలయంలో గురువారం ప్రసాద్ అభినందన సభ, సన్మానం ఘనంగా నిర్వహించారు. ప్రెస్ క్లబ్ సభ్యులు ప్రసాద్ ను పూలమాలలతో, దుశ్యాలువాతో సత్కరించారు. ఈ సందర్భంగా పలువురు విలేకరులు మాట్లాడుతూ సుమారు మూడు దశాబ్దాలుగా ఈ ప్రాంత ప్రజా సమస్యలపై, సామాజిక సమస్యలపై ఎన్నో విలువైన వార్తలను, కథనాలను ప్రపంచం ముందు పెట్టి, సహచర పాత్రికేయులకు మార్గదర్శకంగా నిలిచారని అభినందించారు. పూర్తి కాలం పాత్రికేయుడుగా శ్రీరామ్ ప్రసాద్ మూడు దశాబ్దాలుగా పత్రికా రంగంలో చేస్తున్న కృషిని కొనియాడారు. ఈ కార్యక్రమంలో స్థానిక పాత్రికేయులు కోడూరి ఆనంద్, నూకల కాంతినాథ్, శీలం కృష్ణమోహన్, పాముల మురళీకృష్ణ, మర్రి రమేష్, మర్రి శ్రీనివాస్, గంజి మధు, దొడ్డపల్లి వెంకటేశ్వరరావు, అందుగుల నాని, తలారి దాసు తదితరులు పాల్గొన్నారు.
యద్దనపూడి అవార్డు గ్రహీత మామిడిశెట్టికి ప్రెస్ క్లబ్ సన్మానం
