రాష్ట్రాన్ని అభివృద్ధి చేయడమే కూటమి లక్ష్యం

పోరుమామిళ్ల:పోరుమామిళ్ల మండలంలోని అక్కలరెడ్డి పల్లె గ్రామంలో జనసేన నాయకుడు ఎక్కలూరి సిద్దు, నందకిషోర్ ల ఆధ్వర్యంలో కూటమి అధికారంలోకి రావడంతో కేక్ కట్ చేసి సంబరాలు చేసుకున్నారు. ఈ సందర్భంగా వారు మాట్లాడుతూ. ఎవరు ఊహించని విధంగా అత్యధిక సీట్లు అందించిన ప్రజానీకానికి ప్రత్యేక కృతజ్ఞతలు తెలిపారు. నియోజకవర్గాన్ని అభివృద్ధి పథంలో నడిపించేందుకు తమ వంతు కృషి చేస్తామన్నారు. సంక్షేమ పథకాలు ప్రతి ఒక్కరికి అందేలా చూస్తామన్నారు. పేద బడుగు బలహీన వర్గాల ప్రజలు అభివృద్ధి చెందాలంటే కేవలం కూటమితోనే సాధ్యమన్నారు. ఈ కార్యక్రమంలో నవీన్, మహేష్, కొండయ్య, సుబ్బరాయుడు, చలపతి, దస్తగిరి, శివ, సిద్ధార్థ్, నరసింహులు, మాల్యాద్రి, కృష్ణ రమణయ్య తదితరులు పాల్గొన్నారు.